KIZOPNA LE THU KIZAKSAKNA (Communication)

(i) Taiban
Hi hun in mawtaw lampi ci bang om ngawl lai in khua khat le khua khat kihawna ah dui sung lamzin tawnin peang taw kipai hi. Thu khat papo zak sak nop heak sak nopte kamtai sawlin kison sak hi. Hi bangin mundang ah khua le tui atu taw kisai paina tu a om le hausate in inn khat zawk inn khat a ban a ban in sawl a, kipai sak hi. Hi bangin kiban sawlin kamtai, khualhil, vanhpua in taangpi atu paina sia “Taiban” pai kici hi.

(ii) Mithi thau kaa
Khua sungah mithi khat a om ciang thau kap in kiphawng hi. Khua sung inn khat pan thau lawng thum tungsia hong kikap le tua inn ah mithi om ci in kihe hi. Mithi thau kaa lawng thum zawkciang khua sung thau nei dangte in a huan nuam le huan thei hi. Hi bang ciangin nupi zaw hiat le inn om zaw hiat in “Thidel” ci in mithi inn ah kipai hi. Thidel in a paite in mithi inn ah a kisamh tawm pak tu teng vaihawm pui thei hi.

(iii) Sawl kithia
Lomawk lopaam ta, lo kuan khawm tu ahizong, dui sungah thingsat tu, keal an lo tu, khualhaw khawm tu ci bang vai khat papo taw pai natu nei khop ciang mun khat ah kisi tu kingak tu ci in kiciam hi kale pai hun kisi thei ngawlin a pai masa a pai khak a om ciang, thingsawl pawlkhat thiakin kiciamna lampi ah kikoi thei hi. Bang thingsawl namte thiak in a kikoi le kei a pai zo hi tu khi hi ci in a kivaitha sa hi a, a nung pan a pai sia in a lawmte pai zo ahi hunlam sawl kithiak sia en in he thei paih hi. Hi bangin khat le khat kiheak sak sia “Sawl kithia” ci in Sizangte in ciamtee hi.

(iv) Taang au
Khua sung thu phamaw kikup tu a om ciang hausa pa in mihing khat sawlin, khua sung theampo ii zak tu in au sak a, taangko in khualhil hi. Khua liante ah mun khat pan au bek taw a kiza kim bale hawng simin pai a, au sak hi. Hi bangin thu taangko in au sia “Tang au” kici a, a au pa sia “Taang au pa” kici hi. Hausa thu kikupna pan thu khensatna taw kizui in sep tute ahizong, taangpi heak kim tu thute ahizong taang au in kiza sak kik hi. Taang au hun sia zingsang ngamdai hun le nitak ngamdai hun veu hi thei bel hi.

(v) Min lo ngawlin kizopna
Dui sung vak khawm ahizong, sa vai khawm ahizong, thing tom khawm ahizong dui sungah ih paina ah khat le khat, pawlkhat le pawlkhat kipaai in a kikhenthaang tha a om ciang kam taw minpi lo in kisam nuam ngawl hi. Banghangziam ci le minpi lo in kisam leang doaite in ih min ciamtee a hong man thei hong vawtsia thei ci in upna kinei hi. Tua ahikom dui sungah ngammang in a kipaai a om ciang kam taw min lo in kibiakpui ngawl a, ahi thei lai teng khuttumh taw ahizong, khut beh taw ahizong, a nging thei sialngeet kitumh in
ahizong kizong hi.

Back to Chapter 2

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: