History of SRBA

THU MAISOT

Hi Siyin Region Baptist Association (SRBA) ii tangthu bu sia 2006 kum in a tung Khamtung Tapidaw Pawlpi masabel Khuasak Tuiphum Pawlpi ii kum 100 cin le SRBA kum 30 cin tepteena in a kivawt nuam ahi hi. Ahizong a hunbit in tangthu kaikhawm kihi paih ngawl ahikom thu kaikhop tu a haksat ban ah lai vawtna ah computer taw sep tak ciang mei phat ngawlna, computer taw kisai a lalna hong om theibul a, suaksak nop hunin piangzo ngawl hi. Hikale tangthu ih ci sia ih vawt hak hangin a kikheal tu hi ngawl a, cing vaial zaw ahikom a phatna om veve ci tawng.

Hi tangthu bu a pian thei natu in a nuai a bangin Committee ki om sak a vaipuak ki aap hi. SRBA-EC 2005/29 (c) & SRBA-EC 2006/02 (d)

Patrons

  1. Rev. Max Vai Pum (TSBC)
  2. Rev. E. Tun Khua Lian (Voklaak)
  3. Rev. E. Ngin Khai (Lophei),
  4. Rev. Ngiak Za Dim (Thuklai)

Chairman – Rev. Lian Khua Hau (GS)
Secretary – Rev. Vum Khat Pau (AGS)
Members –

  1. Rev. William Khai Tual (E&M Secretary)
  2. Pr. James Nang Khai (YF Secretary)
  3. Pr. Dim Khan Cing (WF Secretary)
  4. Rev. Son Cin Pau (President)
  5. Rev. L. Do Cin Pau (Khuasak)
  6. Rev. Thang Za Pum (KSBC)
  7. U W. Thuam Tun (Voklaak)
  8. U Thura Hang Za Kam (Thuklai)
  9. U Ngin Za Lian (Treasurer)

A tung a Committee teng in kivaihawm a, Meeting nii vei nei zawk ciang a vawt a seam tu in SRBA zumlente vaipuak ki aap hi. A thu at tu dan teng kikup zawk ciang Committee buppi ii sep thei zongh hi ngawl a hikom zumlente in a thu a tamzaw kikaikhawm hi. SRBA Tangthu bu Foreword at tu Committee ii kikup lungkimna ah tua hun laitak SRBA Advisor hi a, kumpi sungah Myanmar National Convention Delegate khat ahi Dr. Pau Za Nang ii at tu in kikipsak hi. Introduction ahile Committee te kikumin at tu kici hi. Haksatna tatuam taw 2004-2007 SRBA term sung kiman nuam hikale kiman thei ngawl a, 2007-2010 term sungah a kizom in kiseam lai hi. Term kilaih ciang a kaa thak te SRBA Tangthu Committee sungah kibelap a, a nuai a teng ahi hi. SRBA-EC 2007-08/01 (m)

  • Rev. D. Cin Za Dal (AGS)
  • Rev. Cin Khua Pau (YF Secretary)
  • Pr. Dim Hau Cing (WF Secretary)
  • Upa Lian Za Khai (Treasurer)

SRBA tangthu sungah Biakna tangthu bek hi ngawlin Sizang pianna, Tapidaw sua maa in omzia le Sizangte ii ngamdang ngal a nanna te zongh heak tu kilawm sakna taw kihel hi. Tapidaw suana thu le SRBA tangthu te zongh a cing theibel in kikaikhawm hikale SRBA sia Pathian huuna taw sep tu vawt tu le programme kicing lei ahikom ki haisaang suak hi. A khakbel ciang Committee bup to tu haksa ahikom Voklaak Tuiphum Pawlpi keam Rev. James Nang Khai (Former SRBA -YF Secretary) ii huu kik tu kingen a, ama le Tangthu Committee Secretary Rev. Vum Khat Pau (SRBA-GS) te in SRBA Tangthu bu Master copy sua thei tu dong hanciamin hong seamto uh hi. Tua zawkciang vawt tu dang teng Yangon ah a man dong a kivawtsak ahi hi. Tua hi a, hi SRBA Tangthu bu sia a kician in ih vawt masak bel ahikom kicing ci om ngawl tha tu hi. Bangbangpo ahizong a pha thei bel tu a kivawt hi a, maisang ah a phazaw, a kicingzaw in ih vawt kik zawk natu zongh ngaisutna pha nei tek tawng.

Hi SRBA tangthu a en, a sim te tungah Topa Pathian in thupha hong pia tek tahen. Amen!

SRBA Tangthu Committee

2010

_____________________________________________________________

Chapter I:  SIZANG PIANNA THU

Chapter II:  TAPIDAW THET MAA SIZANGTE OMZIA

Chapter III:  NGAMDANG NGAL

Chapter IV:  TAPIDAW SUANA LE A SUAK MASATE

Chapter V:   TAPIDAW KIPAWLNA LE SIYIN REGION BAPTIST ASSOCIATION

Chapter VI:  SRBA SUNG PANMUN LEN NGEITE

Chapter VII:  SIZANG PATHIAN NASEAM MASATE LE MINISTER COUNCIL

Chapter VIII:  FELLOWSHIP LE DEPARTMENT TE

Chapter IX:  SRBA SUNG PAWLPITE

Chapter X:  SRBA PHUALPI ZUMINN LE NEISA PAWLKHATTE

Chapter XI:  KIKHOPPI LE POAIPI TATUAMTE

Chapter XII:  SRBA VAIHAWMNA LE NASEPNA PAWLKHAT

                              APPENDIX:

Advertisements

3 Responses to History of SRBA

  1. zam mang says:

    Hello U ThawngNo,

    A sung thu le la, lai na koi te hoi ma ma sa ingh, zong tu bang kai khop tu sea a ol tu hi ngawl, domain khat lei zo leang uk huai ta tak sa ingh.

    • thawngno says:

      Mang, comment lungdam. Germany pan Khaipi na SRBA domain tu khat vaihawm sak ve, keima kipan zo ngawl lai khi. 2012 sung kom zaw hiat leang kilawm……lungdam

  2. Manglal says:

    So wonderful to read this dear brethren. God is truly God of history! I always remember with fond memories of my days of fellowship wih you all at YSBC. Our prayers and hearts are always with you all. Peace & grace,
    Your brother in faith and flesh in India ~ Manglal

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: